احلام وردية

Admin الثلاثاء سبتمبر 18, 2007 3:29 am

أحلام وردية

علمتينى

أشوف الدنيا

فى عينيك احلام وردية...

وخليتينى

أقول يالله

تطوّل عمر الفرحة شوية ...

يا موّال

الفرحة عيونك

غنى مع الأحلام أغنية...

تعالى

نعيشها حياتنا الحلوة

ضحكة جميلة ولحظة هنيّة...

يا الفجّرتى

ينابيع فرحى

و يا الخضّرتى صحارى عينيه...

و يا العمّرتى

خرايب عمرى

و يا النوّرتى دروبها عليا... ... ...

فوق الجمرة

أغالب شوقك

وحبك يطفى مراجل الغيّة...

وليلك

يطول .. يقصر مده

لما تكونى معايا شوّية!!

علمتينى

أشوف الدنيا

فى عينيك احلام وردية

وخليتينى

أقول يالله

تطّول عمر الفرحة شوية !.