الأدمن هيامك

Admin الثلاثاء سبتمبر 18, 2007 3:25 am

الأدمن هيامك

من متعة غرامك

ليه تظلم مريدك

دا الأدمن هيامك

وغاية عمره ريدك

ريدك فات حدوده

وليك حطم قيوده

شايلك فى كيانه

وبهديك سامي ريده

فى ايديك هناه

وقابض الريح فى ايده

واهب ليك وجوده

وريدك باقى سيده

مهما تجور تزيده

ممنونك بزيدك

فيك صبّه وقيامه

وليك حبه وهيامه

سادر فى صحاه

وحاضر فى منامه

تملا الكون أمامه

وتنفذ من مسامه

وفى نبرة كلامه

وفى لفتة سلامه

ليك سلم زمامه

مفتونك بريدك

يا المعسول لماه

ويا الموصول رضاه

يا قمرة سماه

يا غايتو ومناه

يا حسنه وبهاه

يا كدره وصفاه

يا راحته وشقاه

يا وجعه وشفاه

يا عشقه وهواه

مجنونك بريدك