الحب سلام

Admin الثلاثاء سبتمبر 18, 2007 3:24 am

الحب سلام

من يومى العرفتك

ببدأ بيك يومى

وبلقاك فى سعادتى

وفى أشتات همومى

وفى تفاصيل نهارى

وفى دفاترى ورسومى

وبيك أيامى تصفو

وتتبدد .. غيومى

يا الساكن دواخلى

ومانحنى الأمان

بيك صالحت نفسى

وصافحت الزمان

عانقت الأمانى

و والفت الحنان

وابتسمت حياتى

قبّال .. الأوان

روحى بتهفو ليك

يا الخلقوك وليفها

يا البتحس شقاها

ويا النفحة اللطيفة

يا موسم ربيعها

و يا نسمة خريفها

وين بتلاقى زيك

يا صيفها ومصيفها

اتعلمت منك

انو الحب سلام

وانه الريد قناعة

ومسلك واحترام

فى حضرة عيونك

كم يحلو الكلام

بيك كانت بدايتى

وبيك مسك الختام

قبلك ما عشقت ..

وبعدك ما بريد ..

كل الحاضر انت ..

والفات والجديد ..