الزول المحير صمتو

Admin الثلاثاء سبتمبر 18, 2007 3:20 am

الزول المحير صمتو

الزول

المُحَيِّر صَمْتُه ...

باين

فى سكوتو عَظَمْتُه ...

أحْكُوا

عن العجب فى عيونه

لو

من هول عُيُونُه سِلِمْتوا ...!!!!

شوقى

- على العليهو- كَتَمْتُه ...

قلبى الرادك

إنتَ ظَلَمْتُه ....

عَلَّمْتُو الأمل … أَلَّمْتُه ..

حَكَّمْتُه

وْرَجَعْتَ حَكَمْتُه ...!!!!!

أهداك

الجمال أَوْسِمْتُه ..

والشقا

لى قليبي قَسَمْتُه ...

إتْوَسَّلْ

رفع مَظْلَمْتُه ...

لى ظَالْمُه

و رئيس مَحْكَمْتُه ...!!!

الهَامْ

بى هواك أَلْهَمْتُه ...

القول

فى العيون ما فْهِمْتُه ...

مِنَّكْ خُوفُه

يا الأَزَّمْتُه ...

دا اللاذ بيك

و انت هَزَمْتُه ...

يا القِدَّامْنَا

ما اْتْكَلَّمْتُه ...

كم فى الريد

سَرَحْتُوا و هِمْتُوا ...

لا الدَّرْبْ البِوَدِّى

رَسَمْتُوا ....

لا قُلْتُوا النصيحة و لُمْتُوا ...!!!!!