الشوق والمسافة

Admin الثلاثاء سبتمبر 18, 2007 3:19 am

الشوق والمسافة

ما جميل الكون بدونك

كنتى جنبى

وكنت شايف الدنيا كلها فى عيونك!!

عَيَّشَتْنى عيونك

الحُلْم الخُرافة

باعدت بينا المسالك

وقَصَّر الشوق المسافة..

عََّمَتْنى

الخوف عيونك

وما فى من الريد مخافة..

والغريبة ..

تنادى ليَّا

ولما اْجيها تفوت مسافة..

تاوَقَتْ ..

فوق لى زمانى

وبى شفافية وحصافة..

نَوَّرَتْ ..

ليل العواتم

ومَهَّدَتْ درب الخلافة..

ديل عيونك

فى جدار الشوف

شبابيك روحى

لى زمن الشرافة..

بيها اسْتَشْرِف

مدي الدنيا

ومدارات الرهافة..

رَقَّصَتْ ..

موت الدواخل

وخَضَّرَتْ بُورَها و نشافها..

وعلّمتنى ..

أَحِنْ لباكر

ما زمانى الجاى شافها ..