الغلطة مننا

Admin الثلاثاء سبتمبر 18, 2007 3:19 am

الغلطة مننا

خلينا

من بعض همومك..

يا الما بِنَقْدَر على لومك..

رغم المشاغل

ياشاغل

ادِّينا لحْظات من يومك ..

عاذرين

ظروفك وأحوالك

وخايفين فى زحمة أعمالك ..

تنسانا

من لطف سؤالك

وبالمرة نطلع من بالك ...

عارفين

مشاغلك و أسرارك

لو لسة فاكر سُمّارك ..

وخايف عليهم

من نارك

خلينا نعرف أخبارك ..

ناسى

و دواخلك مرتاحة

دنياك تغرّد و صدّاحة ..

و عينينّا

باكية و فضّاحة

من فُتَّ لا نوم لا راحة ..

الغلطة

مننا ما منك

والله جد ما لايمنك ..

القصة كلها

فاقدنك

ودايرين وجودك لكنك !!