ايد العشم

Admin الثلاثاء سبتمبر 18, 2007 3:15 am

ايد العشم

بمد ..

ايد العشم ليكى

و أسامح

كل ماضيكى

و أسامر

نجمك الهدّاى

و أشقه هويد بواديكى

تخيلى !

كيف عمر دونك ؟

لزول أدمن حكاويكى

يعيشك

نسمة فى صيفه

ويقول ينساك يناديكى

وإذا

جاب الطرب دنّك

فتح أحضانه راجيكى!!

أنا والنور

وفجر الحب

نصب فى مجرى واديكى

وأعود

سايق مراكب الريد

على موجك وأجاريكى

وأخلى الليل

وحيد مصلوب

على ضفة أماسيكى

و أقوقى

مع سحب شايلات

دعاشن من معانيكى

واغنى

على سنين جايات

ملوحة بى امانيكى

وأنادى

قوافل الأحزان

معاى تفرح تغنيكى !

معادك

لو صدق وعدك

ولو عادت أماسيكى

أقول يا إنتى

يا الطوفان

ولو عزّ الوصول ليكى

قصر

عمر الزمن أو طال

يكون عرس الفرح بيكى

و أسامح كل ماضيكى
و أمد ايد العشم ليكى