فى انتظارك

Admin الثلاثاء سبتمبر 18, 2007 2:44 am

في انتظارك

فى انتظارك

وفى انتظار نغمة هزارك

وطلعة النور … من مزارك

قلّ صبرى … وطال نهارك !!

ياحبابك

في انتظارك

يلاّ كونى

ياما عنك كلمونى

حاسى بيك

في روحى تسرى

فى مسارى وفى سكونى

تملى لي

بالبهجة … كونى

وتنسكب

أفراح شجونى

وينفتح لي سعدى بابك

ياحبابك

فى انتظارك

نفحة هابة

نسمة تضحك للتعابة

حاسى بيك جواية جاية

غيمة بتظلل غلابة

بشرى بالمطرة اللى جاية

تغسل الأسى والكآبة

عن عيون عانت كفاية

صابرة تترقب مآبك

ياحبابك

فى انتظارك

يلا عودى

عامرة بالخير والمحبة

مرة أصدقى يا وعودى

وحققى الأمل المخبا

وبيكى تتفتح ورودى

عن فرح من عمرى غبّ

وليكى أهتف ..

الله جابك الله جابك

ياحبابك !!