فى حضرتك

Admin الثلاثاء سبتمبر 18, 2007 2:43 am

في حضرتك

فى حضرتك

تتبدل اللغة والحروف..

والدنيا تلبس

انبهار اللهفة والوله الشفوف..

وانا ياجميل مالينى خوف..

أصله الزمن

عودنا ...

ما نتهنّى بى حلو الظروف..

لكنى بيك

بزرع مساحات الفرح

وازحم خواطر الناس طيوف..

ويفضل ..

هواك نور الزمان

فى دنيا ما بتعرف كسوف..

تهمس بشايرك

للصباح .. سر فتنتك

توشيها للنيل والجروف..

وتتفتح ..

اكمام الزهور

بينن خبر جيتك يطوف..

لغناك ..

فى دنيا الجمال

يتسابقوا الشوق والحروف..

وانا ..

كلى أوتار لى هواك

والدنيا تعزف ..

والمزامير والدفوف...

وانا ..

والزمن نحيا ونشوف ..!!؟؟