قلبى المحب

Admin الثلاثاء سبتمبر 18, 2007 2:41 am

قلبي المحب

قلبى البحب

ياريته ما عرف الدرب

ياريته لا جرّب هواك

لا اتشابى ليك ولا تعب

كان فاكر انك مختلف

عمر الشقا وعندك وقف

وما قايلو نبع الريد بجف

وتتناسى للريد والولف

يوم قلبى قال داير يتوب

أغريته بالوعد الكذوب

خليته فى حبك يذوب

واتشعبت بيهو الدروب

قلبى اللى قال خلّى الغرام

وعيّشنى فى راحة وسلام

ليه بى دروبك تانى حام

رجعنى للهم والهيام

قلبى اللى قال خلّى الهوى

أضعفتو تانى بعد قوى

أدنيتو واخترت النوى

وكيف تمسك الدربين سوا !؟

ياريته ما عرف الدرب

ياريته لا جرب هواك

لا اتشابى ليك ولا تعب

قلبى البحب ..