متغابى العرفة

Admin الثلاثاء سبتمبر 18, 2007 2:38 am

متغابى العرفة

متغابى العرفة وما سائل

فى زول عن شخصك متسائل

يا ناسى الناس حلمك بينا

نسيان الريد ليهو وسائل

عارفنك معجب بي روحك

متهنى وسارح فى دوحك

بتقلّى بشوقك مجروحك

وانت ولا هامى ولا سائل

شيشك يا القاسى و متناسى

مع ناس متساهل وبتواسى

وبى ناس لا راضى ولا حاسى

بتقربوا منك متجاهل

أيامك زيك دوارة

ما بتضمن أبداً مشوارها

مرات تتكشف أسرارها

ومرات لا تدى ولا تجامل

بتصفى حسابك ويانا

ولا الأيام هى القاصدانا

يا الكنت منابر دنيانا

نسيان الناس كده بالساهل ؟؟؟