موقف

Admin الثلاثاء سبتمبر 18, 2007 2:34 am

موقف

لا بجيك

لا بستجير..

لا مفاتيح عمرى

عندك

لا هواك آخر المصير...

ياما

فى الفات من عُمُرْنا

هِمْتَ بيك الليل وجاوَزْتَ المدى..

و صِحْتَ

يوم لاقيت عيونك

عمـرى يـادوب مـا بـدا...

والغنا

الفى الريد كتبتو

ليـهو فى الأيـام صـدى...

واصطفيتك

ريد ودنيا

وكان هـواك مرسى وهدى...

والمشاوير

ليك مشيتها

لا اشتكيت

بُعْد المسافة ولا متاهات الردى...

وانت طبعك

ياهو طبعك

لا سِخَتْ بالـريد عيونك

لا هى أَوْفَـتْ مـوعـدها...

والزمن

عَصَّاك علينا

وْ فَتَّحْ آلاف المواجع و جَدَّدَها..

و الفرح

ألوانه باهتة

و ضـاع مع الآمـال سُـدَى ..

و لِسَّه داير

مِنِّى أكتر

أعمل ايه بالله اكتر من كده ؟؟