وعد عيونك

Admin الثلاثاء سبتمبر 18, 2007 2:19 am

وعد عيونك

الشوق الفايت حدو .. يا دوبي معاك عرفتو

والسهر البسمع عنو .. يادوب عايشتو وشفتو

***

بقت الايام سايقاني .. في عالم كله اماني

فتح الابواب ناداني .. شان احيا العمر التاني

***

بي ريدك شفت الدنيا .. واتحقق حلم زماني

واتجدد بيك شبابي .. واتبدد هم احزاني

***

في ريدك الفه غريبة .. رقة وعفوية وطيبة

والوعد الشايلاه عيونك .. هو الخلا الدنيا حبيبة

***

اللحظه العني تغيبها .. الدنيا بتبقى عصيبة

قربك يملاني ارادة .. واحلامي بشوفها قريبة