دنيا التمني

Admin الثلاثاء سبتمبر 18, 2007 2:04 am

دنيا التمني

جيتي

والزمن البِغَنِّي

شان تزيلوا الحزن عني

ساقني

درب الريد عليكى

ونادي ليك سعدي وسبقْني...

كنت راجيك

وفي انتظارك

ضنَّ بيك حظي وخزلني...

جاذب الشوق

في مدارك

من سعير الناس عزلني...

لما هاتف الشوق

ندهني

رفَّ قلب الريد سبقني....

لا استراح

لا لحظة قاوم

طارد الزمن السرقني....

جاكي

مشحون بالأماني

حرَّكَت نجواه دنِّي....

والأمل

شرَّنْ جذوره

لي مواطن الريد هَدَنِّي....

جيتي

فرحانات عيونك

وبي سماحِن انعشَنِّي...

راق نهارِنْ

وجَنَّ ليلِنْ

وبي صفاهِن أدهشَنِّي..

يا جمال الدنيا

بيكي

إنتي ما دنياك تمني....

جارف الشوق

كان خِتاكي

يبقي خاب في الدنيا ظني..!!!

حمِّسِي الريد

علمينا

نَقِّري الشادِّنُّو غَنِّي...!!!

رقِّصِي

الحزن السَّكَنَّا

سوقي بي أوجاعه مني....!!

لسه

ما اتْبَلَّت عروقي

والعشم يا حلوة أني..

أبدا بيكي

العمر تانيوأحيا بيك دنياي ودنِّي...!!!